البنطلون وقع

موضوع: البنطلون وقع الجمعة أكتوبر 26, 2007 6:29 pm

يا ترى صح ولا غلط
لما الولد يلبس بيرمودا او بونتاكور و يحط تاتو و يلبس حظاظه و يوقف شعره و يلبس بنطلون واقع منه
زمان كانت الولاد بتتباها بالرجوله و يكبروا سنهم دلوقتى الولاد بقت تعمل " بوكسر شو" عرض ل***كسرات
يا ترى هى ديه الموضه و الانفتاح و العولمه
و ياترى هما صح ولا ايه
يا ترى صح ولا غلط
لما البنت تغطى 10 % بس من جسمها و تلبس خاتم فى رجلها و تعاكس الولاد وتتعرف عليهم و تبقى جريئه اكتر من الولاد
هى ديه الموضه
انا مش فاهم حاجه بس فاجئه حسيت ان الواحد بقى غريب
جديد من البنى ادميين نزل السوق يا جماعه بجد محتاج افهم
بس بجد انا مستفز جدا من الشباب الايام ديه
و يا ترى لما الشاب يلبس بيرمودا و يسقط البنطلون و يبين ا***كسر ده ممكن يبقي اب للأسره فى يوم من الايام
بأنى وش هنبقى مصريين
بأنهى وش هنقدر نشيل سلاح و نحارب لو بلد تانيه جات و اعتدت علينا ولا ساعتها هنضربهم بالفيديو كول و الاس ام اس
الله اعلم
يا رب اهدي الناس كلها و انا اولها
فى انتظار تعليقاتكم