موضوع مضحك جدااااا

في البداية وقبل أي شيء أتمنى أن تعجبكم قصتي.....

قصتي بكل بساطة بدأت عندما أعطاني صديق لي رقم فتاة في الصيف

وأعتقد قبل سنتين وقال لي إنه البنت صاروووخ ويتحداني أشبكها

طبعآ إستفز مواهبي وقدراتي (( مسوي فالنتينوا ))

ودقيت عليها تقريبا الساعة أربعة ونص الفجر وكنت راجع معايه ولد خالتي

وكنا مواصلين ويجي تشبيك على آخر الليل المهم دقيت رد بريد صوتي

كانت حاطة أغنية أبو *** جدآآآآ المهم الو الو الو مافي أحد يرد قفلت

المهم ولد خالتي دق دق الأخ متحمس صحيح (وبئس ولد الخالة)

كان معايه العود حقي وأنا ماأعزف مظبوط (يعني أحسن من عبادي الجوهر شوية)

المهم اتصلت والأغنية كانت محطوطة المهم وقت ماجيت أتكلم ماتكلمت

بس عزفت مقطع حلو بالعود من دون ماأتكلم ( مسوي جون ترافولتا ولا طلال مداح يلعن أم الفرق ).. المهم احنا مواصلين

وأنا منتهي وولد خالتي عيونه محمرة كأنه شارب سجاير جاوية

المهم شوية دقت البنت...........

ولد خالتي بحماس رد رد أنا اطالع فيه أبغى أحمسه زيادة

أقله خلاص والله مالي نفس فيها المهم واللي يمسك في حلقي كلمها قلت له

طيب طيب المهم رديت طبعا وكالعادة أول مارديت قفلت

رجعت اتصلت ( وأنا آخذ الموضوع وناسة في وناسة ) المهم ردت مسوية

هيا البنت الأسلوب قلت لها:- كيفك ايش أخبارك ؟؟

الحمد لله ميييين قلت لها لو سمحت رقمك دق عليا قبل يومين

في نفس ذا الوقت قالت آآآآآآآه قلت اهااااااااا

المهم قالت كنت في حفلة مع صحباتي يمكن أحد دق منهم

صراحة صوتها ماعجبني وتعبان ومنتهي قلت خلاص خليني أقفلها معاها

قلت لها خلاص صار خير وشكرا مع السلامة

هي سكتت قلت مع السلامة مرة ثانية قالت لي :-------

لو سمحت عزف العود حقك قلت ايوة ليش قالت:- وااااااااو مرة حلو

قلت في نفسي ( خلاص شبكت البنت ) قالت لي صراحة أنا أحب العود

ونفسي أتعلم قلت لها عادي أعلمك أشتري عوود وأعلمك

قالت والله يعني البنت متحمسة أنا قلت ايوة وفي نفسي (شكلهاااااا فررررري)

وشوية قالت أففففف قلت لها ايش فيكي ؟؟؟

قالت لو تدري اللي فيا !!!!!!؟؟؟؟

قلت خير ايش فيك ؟؟؟

قالت مضاربة مع خطيبي قلت:- في نفسي ياحبيبي

قلت ليش ..؟؟ تقول شاكك فيا قلت غلطان مايحق له خاطب وحدة زيك

ويشك فيها ...والمهم طبعا أخذنا أسامي بعض وتعرفنا . . . . . . . .

جينا للشكل أسئلها كيف شكلك أوصفيلي

تعرفوا ايش قالت:- صحباتي وكثييييير يقولوا شبه إليسا

في نفسي ( وااااااااااااااااو )بس مسوي ثقيل قلتلها بالله

قالت أنا أشوف نفسي عادية ..قلت دام البنت مسوية متواضعة يعني حلوة

وبعدين قالت لي خطيبي يدق عليا خلاص بقفل حتى لايشوف إنتظار عندي

كثير قلت لها بنام وبكرة نتكلم قالت اوكي

قفلت كانت الساعة تقريبآ 8 الصبح

ولد خالتي كان قاعد يسمع في الأول وهو على الأرض وأنا عل السرير

والوقت الل كنت قاعد فيه أكلمها ماطالعت فيه المهم قفلت منها

وماسك الجوال أطالع فيه وفي الرسايل وأحكي ولد خالتي وأقول له عن البنت

وإنها تقول إنها شبه إليسا وأضحك وهو ساكت قلت غريبة ايش فيه مايتكلم

المهم طالعت فيه وإلا الأخ في سابع نومة ....!!!!!!

نمت أنا وطبعا نووووووم الأجازة غير أي نوم يعني الدبل

صحيت وولد خالتي يصحيني يقول لي إنه بيروح بيتهم خلاص وخرج من

بيتي تكلمت مع البنت في الليل أعطتني رنة وكلمتها بعدين قالت شوية

وأكلمك ودقيت بعدها بنص ساعة ردت أختها قلت الو

قالت الوووووو صراحة صوتها يهبببببببببببل قلت لها نجوى موجوودة

قالت لا أنا أختها مرام انته( فلالالالان ) قلت لها ايوة

وبمياعة تقولي خلاص شوية تكلمك نجوى قلت أوكي

وبعدين تكلمت مع نجوى وقلت لها صراحة أنا نفسي أشوفك حتى أتأكد منك

قالت حتى أنا نفسي مررررة أشوفك ...........

قالت خلاص أوكيه أنا بيتي في حي الشاطئ تعال وأنا أشوفك من الشباك

قلت لها طيب....

بس مو الحين لأنه دق عليا صديقي العزيز هاني وخارجين نتعشى

جا هاني ودق عل الجوال إنتظار المهم إتلطع شوي عند البيت لبست

ونزلت له ...هاني :- ايش البهللة ذي ؟؟؟؟؟

أنا:- عادي لازم تقدر ظروف العشاق

هاني :- سبة حقت كبار لكل العشاق بمزحة..

أنا : سكتت في نفسي ((( قلت يحق له ربع ساعة لطعة )))

شوية يقولي فين نتعشى قلت له محل مايعجبك

وبعدين رحنا ماكدونالدز اللي عند سوق حراء الدولي

ودخلنا قابلنا الفلبيني هاني يستهبل عل الفلبيني يقولوا بالإنجليزي

وبطريقة الفلبينية ون تشيز برجر بللييييز.

وطلبنا وأكلنا وايش صار بعدها ؟؟؟؟؟

دقت عليا نجوى وقالت نتقابل الحين طبعآ الشاطئ قريب جدآ من ماكدونالدز حق حراء الدولي

قلت لهاني هاني:- فكنا ياشيخ أنا طبعا كنت مظبط نفسي ومحلق ذقني

قلت له أنا وضعي أوكيه خليني أروح أشوفها ووصفتلي البيت

ورحت وشفتها طبعا هوه وقف بعيد بالسيارة قلت لها أطلعي طلعت على

الشباك أنا نظري شوي ضعيف أنا الحين أكلمها بالجوال وهيا على الشباك

مسوي أنا هاني سلامة في السلم والثعبان ( على فكرة ماأطيقه أبدآآآآ )

أنا بصراحة ماشفتها مظبوط لأنه كان ظلام البنت قالت لي بصراحة

مرررررة طعمووووون قلت لها أشوى إني مو شيطوووون

ورحت لهاني السيارة ويقولي البنت حلللللوة قلت كويس أنا ماشفت هوه شاف

وكلمتها في البيت وقلت لها أنا بصراحة ماشفتك مظبوط

المهم ودارت الأيام وفي يوم كنا أنا وصاحبي سعووود وأخويه رامي

وكنا بنتمشى ونلفلف أخويه رامي معروف إنه مجنن خليقة جدة كلهم

هوه ماشاء الله طووووويل ومعضضضل وسيارته سودة ودقت عليا

نجوى تقولي لي أنا في تشيكي تشيز اللي في البحر أنا ماأبين لرامي إني

أكلم بنت بس هو حاسس وأنا معاه فرررري

قلت خليني أجازف عاد وأقوله وأروح أقابلها لأنه كانت فرصة جيدة جدا

المهم قلت له رامي قال هاااا..قلت في بنت وتبغاني أقابلها الحين في تشيكي تشيز

اللي في البحر قال لي قدااااام المهم كنت أنا قدام ورامي يسوق وورى سعووود

المهم وأفتح المراية إلا والإبتسامة والفرحة في وجه سعوود إنه بنقابل بنت

أحسهم من فرحتهم كأنه السيارة بتطير من الفرحة على تشيكي تشيز

(( الله يعينهم ))المهم ورحنا تشيكي تشيز طبعا احنا ثلاثة مشكلة كيف بندخل

كيف بتدخلنا احنا الثلاثة ؟؟؟؟!!!

كلمتها قالت لي عادي كلم الأمن وقله أهلي جوا وهو يدخلك كل واحد لوحده

طبعا رحت أنا أول واحد الخال واقف عل الباب

أنا :-سلام عليكم ..

الأمن:- وعليكم السلام والرحمة ( يوووووووي صح يالخال هيااامة )

أنا مسوي مؤدب مرة وبريييييء قلت له أهلي جوا قلي دق عليهم جوال

صرفتها على طول قلت له جوالي إستقبال..

قلي طيب تفضل ( يلعن أم الفلة أمن آيس لاند لو مو جوالك إستقبال

لو جوالك محروق مايدخلوك )

شوية دخلت كنت في الدور الأرضي دقيت عليها

قلت لها وينك قالت أنا بالدور الثاني

قلت لها طيب أنزلي عشان أشوفك قالت طيب المهم ...

قفلت منها إلا وشوية ألاقي رامي وسعووود في وجهي يلعن أم الفلة الإثنين

معايه قلت لهم بعدوا عني شوية البنت نازلة الإثنين رزليييين وقلق

طيب بس بنوقف بعيد نشوفها أنا قلت طيب البنت حلوة عاد مافي شيء أستحي

منه وشوية جوالي يدق وأكلمها أقلها فينك تقولي لي انته فين ؟؟؟

قلت لها أنا لابس قميص وبنطلون عشبي (( أيام موضة القمصان ))

طبعا هيا متذكرة شكلي لأنها شافتني لكن أنا لا ...

قلت لها فينك تقولي أنا قدامك .......!!!!!

أنا أدور أدور مني منتبه لوحدة حلوة تتكلم بجوال شوي ياهووو فينك

تقولي أنا قدامك عصبت هيا لأني ماعرفتها..&& شوية تقولي لي أنا راح أرفع يدي

المهم وترفع يدها ... طبعا رامي وسعووود بعيد يضحكوا

وأنا إنصدممممممممممممممت بقوووووة..... المهم جات وسحبتني من يدي

وأنا محطم لمكان في الدور الأرضي محل مايعلبه سيارات وتقولي

ها ايش رأيك فيا ؟؟؟ .... قلت لها بصراحة مررررة حلوة توقعت أوحش من

كذا..ما أقدر أعطيها في وجهها حرام... صراحة البنت مرررة معظمة

وهي بيضة مررة وتشبه إليسا بس بالعكس يعني فاهمين كيف!!! البرطم

ماشاء الله على قول رامي برطم جمل المهم تقولي يلا نطلع فوق قلت لها

الأمن قالت أطلع أول وأنا وراك قلت لها طيب المهم

وأنا طالع أقابل رامي وسعوود ويأخذوني على جنب ويضحكوا

ورامي يقول إليسا ها ؟؟؟؟ ويضحك

رامي يقول صراحة تشبه شرشبيل ( اللي في السنافر )

وسعوود يقول لا صراحة تشبه توتو ( اللي في الشناكل )

قلت لهم عيب عليكم والله إنها زيتونة ( اللي مع بوباي )

وأنواع الترقية.. الحمد لله على العافية.

ملاحظة:- القصة حقيقية وحصلت في جدة

والللي يبغى الجزء الثاني ( في داخل تشيكي تشيز وبعدها )

يعطيني أفضل ردود أرجوا الصراحة في الردود وعدم المجاملة

تحياتي لكم وأرجوا أن تعجبكم القصة